Segundo o Índice de Sensibilidade Inmobiliaria que elabora Idealista, un 40% das axencias inmobiliarias enquisadas espera que os prezos sigan á alza no terceiro trimestre do ano, mentres que o 54% afirma que se manterán máis ou menos como están agora, e apenas un 3% considera que retrocederán nos próximos meses. Entre elas, as axencias inmobiliarias BBVA Research e CaixaBank Research vaticinan máis alzas nos prezos debido ao desequilibrio entre oferta e demanda no sector.| No último Observatorio Inmobiliario de BBVA Research estímase un incremento de prezos nominais do 5% en 2024 e do 4,7% en 2025. En termos reais, é dicir, descontando a inflación, a subida sería do 0,7% e do 1,6%, respectivamente. Doutra banda, acorde ao estudo elaborado por CaixaBank Research, elevouse recentemente ata o 5% a súa previsión para este ano e ata o 2,8% a de 2025, fronte ao 2,5% do seu anterior estudo.| A pesar do incremento de prezos, BBVA Research prevé que a demanda de vivenda continuará incrementándose en España, debido a diversos factores, entre os que se atopan a recuperación cíclica da economía, a demanda de vivenda por parte de estranxeiros, e a revisión do crecemento do PIB en 2024 ara o 2,5%, que virá acompañada de creación de emprego e dunha maior renda nas familias.| Fonte.- La Razón