O alcalde de Oleiros, Ángel García Seoane, indicou este pasado venres que celebraron dúas reunións coas persoas interesadas nas 150 vivendas que se van a construír en réxime de cooperativa e con pisos protexidos no Concello. O alcalde estima que, se os prazos se cumpren, a final de ano terían os proxectos no Concello para dar licenzas e comezar coa execución nos tres primeiros meses do ano 2025.| Precisou que se inscribiron 1.884 persoas e que tras o encontro no que se lles explicaron as condicións agora chamaráselles telefonicamente en setembro para formar as distintas cooperativas. Lembrou que para acceder a este tipo de vivenda se esixe unha serie de requisitos e que terán prioridade os veciños do concello de Oleiros. As vivendas construiranse en tres emprazamentos, deste xeito, realizaranse 96 en Xaz, 28 en Mera e 21 en Perillo.| Tamén apuntou que están a tramitar coa Xunta o poder ofrecer chan para outras 34 vivendas protexidas.| Fonte.- La Voz de Galicia