O goberno de Alemaña acordou un paquete de medidas para apoiar ao sector da construción de vivenda que se atopa en dificultades. Trátase dun plan de 14 puntos para abordar a crecente crise inmobiliaria do país, entre as que se atopa a relaxación dos códigos ambientais de edificación. O chanceler, Olaf Scholz, afirmou a necesidade de Alemaña de construír máis vivendas alcanzables, tendo que ampliar considerablemente a actividade no sector da construción. Tamén informou de que, xunto coa ministra de vivenda, a súa administración suspenderá indefinidamente os plans para esixir normas máis estritas de illamento dos edificios, o que significa unha renuncia ao estándar de aforro de enerxía EH40.

Doutra banda, o goberno xermano expón investir 18.000 millóns de euros no sector ata 2027. As medidas recollidas pasan pola ampliación de créditos alcanzables ás promotoras e o chamado ‘bono climático’ que axude a remplazar os sistemas climáticos fósiles por outros máis respectuosos co clima.

O goberno alemán axudará tamén nos proxectos de reconversión de espazos de oficinas e locais en vivendas, así como programas de axudas parciais á renovación de edificios existentes en lugar de construcións novas. Os fondos provirán do Fondo Climático e de transformación.

Fonte.- Idealista