O Consello de Goberno deu luz verde proposta do conselleiro de Planificación Territorial, Vivenda e Transportes, Iñaki Arriola, ao decreto do dereito subxectivo de acceso á ocupación legal dunha vivenda ou aloxamento dotacional, normativa que desenvolve este dereito recoñecido pola Lei vasca de Vivenda de 2015. O decreto regula os requisitos, condicións e procedementos para o recoñecemento do Dereito Subxectivo á Vivenda (DSV) e permite o acceso a unha vivenda social de alugueiro ou, na súa falta, a unha prestación económica que facilite o pago mensual dun arrendamento no mercado libre a quen conte cun contrato deste tipo.

A día de hoxe, en Euskadi, 8.200 persoas e familias dispoñen de DSV, un dereito que se foi recoñecendo de forma paulatina nos anos seguintes á aprobación da Lei. Comezouse en 2016 coas familias de tres ou máis membros, en 2017 continuouse coas unidades convivenciais de dúas persoas e en 2018 o proceso culminou co recoñecemento ás unidades dun só membro.

 

Fonte: euskadi.eus