A arquitecta Nuria Prieto foi recentemente recoñecida pola Bienal de Arquitectura grazas aos artigos que publica semanalmente en Quincemil. Con esas publicacións realiza un percorrido artístico por unha obra, personaxe e tecido urbano da cidade da Coruña, de tal forma que descobre á poboación local detalles dos edificios entre os que se moven diariamente.

A arquitecta logra atraer e manter a atención sobre os seus artigos grazas á súa forma de explicar a arquitectura de maneira sinxela e con referencias ao cinema ou ao cómic.

Doutra banda, Nuria Prieto mostra que "as cidades sempre son complexas, pero A Coruña é especialmente complexa porque é unha cidade moi densa, ten unha superficie moi pequena para a cantidade de cousas que suceden nela. Non falo só en termos de poboación, senón de actividade, pois ten unha actividade moi frenética".

Fonte.- Quincemil