Segundo as previsións das axencias mobiliarias de cara a 2024, tanto no mercado de compravenda como de alugueiro, sinalaron que os índices mantéñense estables fronte ao trimestre anterior, pero cunha tendencia positiva en venda e unha tendencia lixeiramente negativa no índice de alugueiro. Estas previsións son recollidas pola Enquisa de Sensibilidade Inmobiliaria de Idealista. 

Tendo en conta os datos do ano anterior, o índice de compravenda confirma unha importante mellora da confianza das inmobiliarias, despois de que 2023 arrincara con moita incertidume sobre o impacto da inflación e as subidas de tipos no mercado residencial. Durante 2023, a pesar da caída das compravendas de vivendas de 2022, as transaccións pecharon o ano cun dos tres mellores datos dos últimos 15 anos. O descenso das operacións non se viu acompañado dunha baixada xeneralizada dos prezos das casas, e iso notárono dende as axencias inmobiliarias.

O 64% dos enquisados por Idealista afirma que nos próximos tres meses os prezos manteranse, mentres que o 16% pensan que subirán os prezos de compra das casas, e tamén o 16% pensan que baixarán estes prezos. En canto ao prezo das rendas dos alugueiros, un 40% das inmobiliarias enquisadas afirman que seguirá subindo, mentres que outro 46% responde que as rendas se manterán, Só un 5% dos enquisados pensa que as rendas baixarán no próximos tres meses.

Fonte.- Bolsamania