Axudas que poden acadar os 3.000 euros no caso dos particulares a ta 40.000 entidades locais a subvención poderá chegar ata os 40.000 euros. Estas axudas están dirixidas a propietarios particulares e a concellos co fin de apoialos na execución de actuacións destinadas a corrixir os impactos paisaxísticos. Na liña dirixida a particulares prevese a posibilidade de actuar sobre fachadas, cubertas e muros de peche e, financiarase a retirada de elementos adxacentes aos bens nos que se vaia intervir cando estes prexudiquen a súa imaxe ou causen algún impacto. As actuacións promovidas polos concellos poderán ser obras de índole menor que melloren o aspecto e conservación de elementos etnográficos como fontes, lavadoiros públicos, palcos de música e hórreos, ou ben incidir na renovación e remate exterior de fachadas, cubertas e muros de cerramento de edificios municipais.

Os prazos para a presentación de solicitudes para particulares será dun mes de prazo contado a partir do martes, 16 de xaneiro. No caso dos concellos poderán facelo a partir das 12:00 horas do día 16 de xaneiro e ata o 29 de febreiro. Cómpre ter en conta que se considerará esgotado o orzamento cando se efectúe o rexistro da última solicitude de axuda que totalice o importe total do crédito desta convocatoria.

Máis información

Diario Oficial de Galicia