Os berlineses votarán o próximo día 26 de setembro, nun referendo non vinculante, se queren que o seu goberno expropie 240.000 vivendas a grandes propietarios para frear a especulación e corrixir a suba desbocada dos alugueiros.

A escalada de prezos dos alugueiros en Berlín provocou un gran problema nun país onde máis da metade da poboación vive de aluguer (85% en Berlín). No últimos cinco anos os prezos subiron un 43% e para os veciños de rendas medias e baixas cada vez vólvese máis difícil vivir nos distritos céntricos e acúsase principalmente ás grandes inmobiliarias desta situación.

Este non é o primeiro movemento na cidade para tentar que os alugueiros descendan o seu prezo: en febreiro de 2020 entrou en vigor a lei de tope do alugueiro, a cal fixou un máximo de 9,80 euros por metro cadrado e ademais obrigaba a rebaixar o alugueiro aos propietarios que se pasasen un 20% dese límite.

Fonte | El País