Vigo suma durante 2024 dous novos pisos turísticos ao día, sumando 126 novos en tan só dous meses. Este ritmo de crecemento supón que a cidade teña xa rexistradas 1.760 vivendas de uso turístico, unha cifra que en Galicia tan só é superada por Sanxenxo. Expertos afirman que esta proliferación pode afectar directamente ao mercado do alugueiro tradicional de maneira significativa. 

O prezo do metro cadrado en Vigo situouse en 10,2 €/m2 en abril segundo Idealista, un 3,6% maior ao mes anterior, e un 5,4% maior que a comezos de ano. Desta forma, un piso de 70 metros cadrados elévase a 714 euros. 

En relación a esta problemática, o alcalde de Vigo, Abel Caballero, anunciou a licitación para contratar un estudo que analice a situación do mercado de alugueiro e pescudar se hai zonas tensionadas de alugueiro no municipio, sen concretar de momento medidas concretas. Sobre isto, o alcalde sinalou que este informe "servirá para «obligar» á Xunta a buscar solucións". 

Fonte.- La Voz de Galicia