O mercado inmobiliario galega mantense á alza segundo os últimos datos ofrecidos polo INE. Concretamente, a compravenda de vivenda alcanzou os 2.090 inmobles traspasados en febreiro, un 38,4 % máis en comparación ao mesmo mes do ano pasado. Este aumento débese principalmente ao incremento das operacións sobre pisos novos, que creceu en dous díxitos. Supón o mellor rexistro na serie histórica dende febreiro de 2011, hai 12 anos, cando formalizáronse 2.345 transaccións de inmobles. Este aumento supera en seis veces a media nacional de crecemento, que se situou no 5,8%, rexistrándose 52.796 compravendas. 

Das 2.090 operacións formalizadas, 517 eran de nova construción, un 46,9% maior interanual, mentres que 1.573 foron vivendas de segunda man, un 37% máis. Doutra banda, 2.009 vivendas eran libres, e as 81 restantes, protexidas. Por provincias, destaca o crecemento do 30,4% en A Coruña, ata alcanzar as 858 vivendas, o aumento do 43,6 % en Ourense, ata chegar ás 201 operacións, e en Lugo, duplicouse, alcanzando as 392. Pontevedra foi a provincia que rexistrou un menor incremento, do 22,2%, pechando o mes con 639 operacións de compravenda. 

En total, transmitíronse 9.495 fincas, un 12,7% máis que en febreiro de 2023. Desta cifra, 2.358 eran fincas rústicas, e 7.137 urbanas. Por compravenda transmitíronse as 2.090 vivendas anteriormente citadas, mentres que 26 foron doazóns, 8 permutas, 1.016 herdanzas e 798 transmitidas doutra forma, sumando un total de 3.938 vivendas transmitidas no período. 

Fonte.- La Razón