A compravenda de vivendas retrocedeu un 12,1% en agosto con respecto ao mesmo mes de 2019, ata sumar 31.394 operacións, a súa segunda maior cifra, tras a de xullo, desde que se declarou a pandemia da Covid-19, segundo o Instituto Nacional de Estadística (INE).

Desta maneira, entre xaneiro e agosto deste ano, a compravenda de vivendas acumula un retroceso do 24,4%, con caídas do 25,4% para as operacións sobre vivendas usadas e do 19,9% para as vivendas novas. O descenso interanual das compravendas de vivendas en agosto foi consecuencia do retroceso das operacións sobre vivendas usadas nun 16,1%, ata 24.626 transaccións, xa que as realizadas sobre vivendas novas aumentaron un 6,4%, ata as 6.768 operacións.

Así, co retroceso interanual de agosto, que é 20 puntos máis moderado que en xullo, a compravenda de vivendas encadena seis meses consecutivos de taxas interanuais negativas despois de caer en marzo un 18,6%, en abril un 39,2%, en maio un 53,7%, en xuño un 34,3% e en xullo un 32,4%.

En términos mensuais (agosto sobre xullo), a compravenda de vivendas baixou un 3,9%, fronte á caída mensual do 26,1% experimentada en agosto de 2019. 

Fonte | El Español