A compravenda de vivendas disparouse en maio pasado un 128,3 % en Galicia con respecto aos datos do 2020, que estiveron marcados pola parálise durante o primeiro estado de alarma. Sumou 2.107 operacións, mentres que o prezo medio caeu na comunidade autónoma un 6,4 % interanual ata os 939 euros por metro cadrado, segundo os datos dos notarios.

No conxunto do Estado, as operacións de compravenda creceron catro puntos menos que en Galicia de media: 124,5 %, e 59.013 operacións. O prezo medio esborrallouse un 3,6 % interanual ata os 1.429 euros por metro cadrado.

Por tipo de vivenda, as de pisos aumentaron un 117,1 %, (44.372 unidades), mentres que as de unifamiliares incrementáronse un 150,4 %, até chegar ás 14.641 operacións.

Fonte | La Voz de Galicia