Segundo Nalanda, a plataforma de xestión documental de coordinación de actividades empresariais en España, a construción experimentou un crecemento do 24% durante o 2023 en Galicia. En concreto, Galicia foi a quinta rexión de España con maior volume de obras ofertadas na plataforma o ano pasado, cun total de 1.400 proxectos, que representan o 7% do total nacional. As únicas comunidades que superan a Galicia son Cataluña (19% do total), Andalucía (15%), Madrid (11%) e a Comunidade Valenciana (10%). 

O maior incremento no número de proxectos sucedeu no segundo trimestre, onde foi do 41%, o que situou a Galicia como a segunda con maior crecemento neste periodo, superior á media nacional, e a terceira en todo 2023, tan só por debaixo de Navarra (31%) e Canarias (26%). A nivel xeral do Estado, a actividade do sector da construción creceu un 7,2% , por encima do 5,5% que aumentou un ano antes. Neste período, o sector da construción ofertou un total de 20.044 obras nesta plataforma, fronte ás 18.696 publicadas en 2022, aínda que no segundo semestre do ano o crecemento ralentizouse, con 9.603 obras, só un 3% máis que no mesmo período do ano previo.

Fonte.- GaliciaPress