Coa suba do prezo da luz, a cal aumentou case un 30% no que vai de ano, o interese polas vivendas que contan con sistemas de redución do consumo e eficiencia enerxética incrementouse considerablemente e isto é perceptible a través do número de casas eficientes certificadas: o incremento interanual chega ao 20%.

Trátase dunha corrente á alza que atopa o seu paradigma nas Passivhaus ou casas pasivas, que permiten aforros enerxéticos de ata o 75% en comparación coa construción convencional. O deseño de casas, bloques de pisos e ata complexos de oficinas a partir dos estándares máis esixentes en materia de sustentabilidade álzase xa como unha tendencia que se estende pola xeografía nacional despois de triunfar nas economías máis avanzadas da contorna europea.

Fonte | La Opinión Coruña