O negocio das vivendas de uso turístico en Galicia segue crecendo á vez que crece a oferta, superando xa as previsións feitas polo Clúster de Turismo de Galicia. Actualmente existen 8.539 vivendas deste tipo, o que supón unhas 43.000 prazas, equivalente ao 70% de oferta hoteleira. Nos últimos meses, o ritmo de inscricións foi en aumento, rexistrándose unhas nove vivendas diarias entre abril e maio (543 novas), o que supón unhas tres vivendas máis cás rexistradas diariamente no mesmo período do ano pasado. Este ritmo foi especialmente alto nas zonas do eixo atlántico: Pontevedra concentra case a metade da oferta (47,1%), seguida da Coruña, Lugo e Ourense, esta última moi lonxe das demais. 

Fonte.- Faro de Vigo