A oferta de pisos compartidos estabilizouse no último ano en España crecendo tan so un 6%, segundo o Idealista. As variacións no alugueiro de habitacións dispoñibles foron dispares nas capitais de provincia españolas, situándose a maior caída en Barcelona, cun 29% menos de oferta onde elixir, seguido de Albacete e Santa Cruz de Tenerife. Por outra banda, Guadalajara aumentou nun 76% o seu número de habitacións, seguido por Girona e Santander.

Coa caída dos prezos, San Sebastián é a cidade coas habitacións máis caras do país con 406 euros por alugalas de media, deixando nun segundo posto a Barcelona (395 euros mensuais), seguido de Palma e Madrid. En cambio, Ciudad Real (183 euros mensuais) é a cidade máis económica de entre as analizadas.

Case 6 de cada 10 ofertas de habitacións en alugueiro atópanse situadas nas cidades de Madrid e Barcelona, seguidas polos mercados de Valencia, Sevilla ou Málaga.

 

 

Fonte | Idealista