As demandas por ocupación ilegal de vivendas rexistraron un descenso en Galicia no terceiro trimestre do ano dun 35% respecto ao ano previo á pandemia, conviriténdose así na cuarta comunidade autónoma con menor taxa por poboación deste tipo de procedementos.

Así, entre xullo e setembro, os órganos xudiciais de Galicia ingresaron un total de 22 demandas por ocupación ilegal de vivendas en propiedade de persoas físicas, entidades sen ánimo de lucro e organismos públicos posuidores de vivenda social, un 35% menos que no mesmo período de 2019.

Desta forma, Galicia é a cuarta comunidade autónoma con menor número de casos nos xulgados por poboación, cunha taxa do 0,8 de demandas por ocupacións por cada 100.000 habitantes, cifra que só é menor en Asturias (0,7), o País Vasco (0,6), e Navarra (0,2).

Fonte | El Español