Segundo os datos publicados polo Instituto Nacional de Estatística, o tipo de interese medio alcanzou o 3,32%, a súa cifra máis alta dende decembro de 2015, mentres que as hipotecas asinadas baixaron un 22,3% interanual en outubro, situándose nos 31.921 préstamos. Este é o noveno mes consecutivo con tasas negativas nas operacións hipotecarias, aínda que o descenso en outubro foi menos pronunciado que o rexistrado no mes anterior, que correspondeu cunha baixada do 29,6%. Aínda así, isto supón que nos últimos tres meses a caída supera o 20%, como consecuencia do endurecemento monetario que provoca un descenso na demanda. 

O importe medio das hipotecas constituidas sobre vivendas baixou un 5,3% neste mes de outubro en relación a outubro do ano pasado, ata os 140.564€, mentres que o capital prestado descendeu un 26,4%, ata chegar aos 4.487 millóns de euros, segundo o INE.

Fonte.- El País