As previsións das axencias inmobiliarias melloran de cara ao segundo trimestre de 2024, tanto na actividade de compravenda de vivendas como de alugueiro fronte ás previsións de inicio de ano. Segundo a Enquisa de Sensibilidade Inmobiliaria elaborada por Idealista, ademáis desta mellora, prevese que o mercado do alugueiro se manteña tensionado ante a falta de oferta que seguirá provocando unha tendencia á alza dos prezos. Esta enquisa elabórase a partir das previsións das axencias para os mercados de compravenda e alugueiro de vivenda para o segundo trimestre de 2024.

Segundo os resultados da enquisa, o índice de compravenda sobe en máis de 10 puntos fronte ao período anterior, e alcanza os 68 puntos, a mellor cualificación dende finais do ano 2018. É a maior subida trimestral dende que se elabora a enquisa a inicios de 2018. Este optimismo débese ante todo á mellora das expectativas na actividade do sector. Case o 60% das axencias enquisadas afirman que a súa actividade crecerá durante este período, fronte ao 10% que comenta que reduciranse as xestións.

En relación aos prezos, seis de cada dez axencias destacan que se manterían estables, aínda que o 30% sinala que esperan aumentos, fronte ao 7% que espera que baixen nos próximos meses. O consenso xeral das empresas do sector inmobiliario é que os prezos aumentarán, pero a un ritmo moito menor que en anos anteriores, mentres que as compravendas seguirían a mesma liña que en 2023, aínda que cunha lixeira baixada nas operacións. 

Fonte.- Idealista