O estalido da crise do covid-19 trouxo consigo consecuencias en todos os sectores, pero unha das máis destacables é o encarecemento xeneralizado do prezo da vivenda en todo o mundo, segundo un estudo realizado pola consultora Knight Frank, a cal analizou a evolución dos prezos da vivenda en 55 países do mundo entre o primeiro trimestre de 2020 e o segundo trimestre de 2021.

Grazas a este estudo púidose concluír que de media, o prezo da vivenda encareceuse un 9,2%, rexistrándose as subas máis destacadas nos países máis avanzados, cun repunte medio do 12%, fronte ao 4,7% rexistrado polos países en vías de desenvolvemento, liderando este encarecemento Turquía e Nova Zelandia.

Con todo, España é un dos países que rompe a tendencia xeneralizada de subas de prezos xa que de feito, é o que rexistrou a maior caída do ranking global, cun descenso do 0,9%.

Fonte | Idealista