Os pisos que permanezan baleiros durante máis de dous anos no País Vasco deberán pagar un canon fiscal de 10 euros anuais por metro cadrado. O Goberno vasco adoptou esta medida para mobilizar as vivendas desocupadas sen unha causa justificada e atender á demanda social existente. O novo decreto aprobado este martes, amparado na Lei vasca de Vivenda (2015), contempla tamén o alugueiro forzoso e mesmo a expropiación de pisos deshabitados en zonas onde a necesidade de vivenda é máis alta.

En Euskadi hai 15.134 pisos que poderían incluírse no novo Rexistro de Vivendas Deshabitadas que prepara o Executivo autónomo e verse afectados por esta medida, e serán os concellos os encargados de certificar a desocupación das vivendas mediante a comprobación do padrón e inspeccións dos consumos "anormalmente baixos" de electricidade, auga e gas.

Os propietarios de pisos que sexan declarados baleiros deberán pagar un imposto anual de 10 euros por metro cadrado útil, que se incrementará un 10% por cada ano que siga desocupado, cun máximo de tres veces o importe inicial, isto é, ata 30 euros.

Fonte | El País