Debido ás altas tasas de interese, a crecente inflación e a ansiedade do mercado sobre a financiación de proxectos inmobiliarios, un informe do Instituto Surcoreano da Vivenda (KHI) pronostica que no ano 2024 os prezos da vivenda caerán un 1,5%. Doutra banda, na capital, Seúl, a predicción é un aumento dos prezos nun 1%. 

O prezo medio do "Jeonse", un sistema de arrendamento propio de Corea do Sur subiría un 2,7% debido á escaseza de suministro de vivendas. No caso de Seúl, este aumento sería do 4%, segundo o informe anteriormente citado. 

Por último, a expectativa do número de vivendas comercializadas sería de 650.000 vivendas, o que supón unha subida do 20% respecto a 2023, pero por debaixo da media de compravenda entre os anos 2017 e 2021, que foi de 980.000 propiedades.

Fonte.- Yonhap