O volume de compravenda de vivendas en España pechou outubro cunha caida na media do 5,6%, o que supón que estas operacións levan 12 meses de forma consecutiva caíndo, segundo os datos recollidos polo Consello Xeral do Notariado. O volume de compravendas reduciuse ata as 51.952, acompañado por un descenso do 2% no prezo medio do metro cadrado, situándose nos 1.585 euros por metro cadrado. Doutra banda, a concesión de préstamos hipotecarios baixou un 12,6%. 

As únicas catro comunidades autónomas que nos últimos doce meses rexistraron un aumento da compravenda de vivendas foron Extremadura (19,7%), Navarra (6,9%), Asturias (4,4%) e Aragón (2%). O resto das comunidades veron reducido o seu volume de compravenda, sendo Cantabria (-1,6%) e Galicia (-1,1%) as menos afectadas, logrando situarse con mellor comportamento que a media nacional, e Baleares (-19,5%) a maís afectada por este descenso. 

Fonte.- El Economista