A transmisión de vivendas por herdanzas bate récords no primeiro semestre deste ano, cun total de 5.598 pisos e casas legadas polos propietarios aos seus sucesores, o que supón máis de 30 sucesións diarias. En Galicia, un terzo dos inmobles que cambiaron de mans nestes seis meses foron por legados; mentres a adquisición de pisos e casas reduciuse un 10 por cento, as herdanzas incrementáronse un 7,4% respecto ao mesmo período do ano pasado.

Esta cifra récord é o resultado do aumento dos falecementos debido ao impacto do COVID e, ademais, os herdeiros aceleraron as xestións para recibir o legado e pechar as operacións de compravenda nun momento de demanda alta de inmobles, esquivando así as presións dos tipos de interese que poderían encarecer as hipotecas.

Fonte.- Faro de Vigo