Primeiro aumento en cinco meses, marca de hipotecas fixas e tamén de préstamos que cambian as súas condicións. Este é o balance da firma de hipotecas sobre vivendas en marzo fronte ao mesmo mes do ano pasado, xusto cando chegou o Covid e as operacións paralizáronse a partir do día 14 pola declaración do estado de alarma e o confinamento. O número de hipotecas constituídas sobre vivendas disparouse un 35,1% este marzo comparación interanual até sumar un total de 36.886, a cifra máis alta desde xaneiro do ano pasado. Fronte a febreiro, as formalizacións subiron un 16,6%, segundo informou este xoves o Instituto Nacional de Estatística (INE).

O aumento en taxa interanual, o maior desde decembro de 2019, pon fin a cinco meses consecutivos de caídas do indicador, que no tres primeiros meses de 2021 acumula unha caída do 7,8% respecto ao mesmo período de 2020. Ademais, co avance de marzo confírmase a volta aos niveis previos á pandemia que xa se produciu en febreiro.

Por comunidades autónomas, as que rexistraron un maior número de hipotecas constituídas sobre vivendas en marzo foron Andalucía (6.941), Madrid (6.881) e Cataluña (6.580). Só dúas rexións recortaron a cifra de hipotecas sobre vivendas en marzo: A Rioxa, cun descenso interanual do 20,1%, e Aragón (-4,2%). O resto rexistraron ascensos, especialmente Galicia (+79,3%), Cantabria (+61,2%), Castela-A Mancha (+44,9%), Madrid (+44,9%) e Comunidade Valenciana (+43,1%).

 

Fonte | El País