Os expedientes de dirección de obra permiten coñecer a evolución da actividade no sector da construción. Os datos do Coatpo (Colexio Oficial de Arquitectura Técnica de Pontevedra) destacan o interese da capital e os municipios da súa contorna pola rehabilitación do parque de vivendas. Dos 933 expedientes de obra desenvoltos en 2023, 319 corresponderon a novas promocións (34,19%) e 614, a proxectos de rehabilitación (65,81%). 

A percepción que proporciona o presidente do Colexio, Manuel Rañó, é que o sector da construción na área de Pontevedra destacou en 2023 pola súa estabilidade. Afirma que o sector é moi dinámico e que hai actividade tanto de proxectos a corto como a medio prazo, e que moitos propietarios están animándose a investir en proxectos de rehabilitación das súas vivendas. 

A previsión para 2024, a pesar de certa incertidume sobre a falta de man de obra cualificada, o prezo dos materiais e a subida dos tipos de interese, confíase nun cambio de tendencia que axude a animar o mercado da construción. 

Fonte.- Diario de Pontevedra