Un total de nove proxectos de rehabilitación en inmobles ubicados nas Áreas de Rehabilitación Integral de Vilagarcía serán subvencionados con fondos públicos, cuxo custo total ascende a 421.000 euros, dos cales 103.000 serán financiados por ditas axudas públicas. Deste montante 76.000 euros proceden do Ministerio de Transportes e 26.120 da Consellería de Medio Ambiente. 

O maior número de proxectos (catro en total) corresponden á ARI de Vilagarcía, que inclúe zonas como O Castro, A Baldosa, Rey Daviña, Méndez Núñez e rúas intermedias. Nesta zona o custo das actuacións previstas ascende a 209.000 euros e serán subvencionables 62.900. 

Para a ARI de Vilaxoán presentáronse tres proxectos cun orzamento conxunto de 52.000 euros. Deles 26.100 serán financiados con cargo ao erario público. Por último en Carril promóvese a través desta convocatoria dúas iniciativas de rehabilitación valoradas en 160.000 euros, dos cales 24.000 son aportados polas administracións.

A maioría das obras a realizar son de arranxos e rehabilitación, así como aillamentos e revestimentos de fachadas ou cambios no tellado. Tamén hai proxectos para mellorar as condicións de habitabilidade e confor das vivendas e a accesibilidade dos inmobles.

Fonte | Diario de Arousa