España enfróntase a un parque inmobiliario vello e desactualizado, xa que segundo datos do Instituto Nacional de Estatística (INE) e do Ministerio de Fomento, de media, a idade das vivendas españolas supera o corenta anos, cun 42 % delas construídas entre 1950 e 1980 (10,4 millóns de pisos) e case un 30 % antes dos 2000.

Galicia non é allea a esta realidade, xa que case catro de cada dez vivendas (un 36%) foron construídas entre os anos 1950 e 1980 (concretamente 563.764). Corenta anos nos que a construción evolucionou cara a un modelo moito máis sustentable e respectuoso co medio ambiente, polo que resulta necesaria unha importante obra de rehabilitación na maior parte das edificacións galegas para cumprir cos requisitos mínimos de sustentabilidade e eficiencia. 

Por iso, os cidadáns comezaron coas devanditas obras, alentados polas axudas públicas e isto obsérvase nas últimas estimacións do sector da construción: o ano pasado rexistrouse en España un incremento do 5 % nas reformas de casas e edificios.

Fonte | La Voz de Galicia