O mes de febreiro pechouse cunha caída do prezo do alugueiro en España do 1,2% ata alcanzar os 10,8 euros/m2/mes o que ademais supón un descenso do 3% trimestral, segundo o último informe de prezos publicado por Idealista. En termos interanuais, o prezo descendeu un 2%.

Así, o prezo medio do alugueiro de vivenda descendeu en nove autonomías con respecto ao mes de xaneiro: Euskadi (-1,2%), Comunitat Valenciana (-1%) e Baleares (-0,9%) lideran as caídas, seguidas de Madrid (-0,8%), Canarias, Aragón e Cataluña (-0,7% nas tres rexións) e Galicia e Andalucía (-0,1% en ambos casos).

No que respecta ás capitais, durante o mes de febreiro, 18 capitais experimentaron caídas de prezo, sendo os decrementos máis pronunciados en Albacete (-2,9%), Ourense e Castellón de la Plana (-2,6% en ambas capitais), San Sebastián (-2,3%), Vitoria e Málaga (-1,4% en ambos casos), Valencia (-1,1%), Madrid (-0,9%), Lleida e Zaragoza (-0,8% en ambas cidades) ou Barcelona (-0,6%).

No lado contrario, Guadalaxara é a capital na que máis creceu o prezo do alugueiro durante o mes de xaneiro (3,2%), seguida de Tarragona (3%), Burgos (2,2%), Jaén (1,8%), Salamanca e Huelva (1,5%).

Fonte | Idealista