En moitas grandes cidades europeas, os prezos levan décadas subindo, empuxados por un cóctel de baixos tipos de interese, escaseza de chan e unha construción que non pode seguir o ritmo da demanda. Así, a pesar dos profundos efectos da pandemia nas economías europeas, que provocaron comparacións coa crise financeira de 2008, a subida dos prezos dos inmobles acelerouse no último ano.

A demanda dos traballadores que quedan en casa, desesperados por conseguir espazo para unha oficina, contribuíu ao aumento dos prezos, mentres que os estímulos fiscais e monetarios sen precedentes destinados a manter as economías non fixeron máis que impulsar esta tendencia. Por exemplo, Estocolmo, Luxemburgo, Moscova e Bratislava rexistraron subas de dous díxitos nos últimos 12 meses, aínda que nun pequeno número de cidades, como Madrid, os prezos baixaron.

Por iso, hai algún banco, como o banco suízo UBS que destacan a cidades como Múnic, Frankfurt, Ámsterdam, París e Zúric como posibles candidatas a sufrir unha burbulla inmobiliaria, tendencia que comeza a preocupar a toda a rexión.

Fonte | Reuters