A declaración de Cambados como Ben de Interese Cultural (BIC) cumpre vinte anos e o fai cun centro histórico con boa saúde. Proba diso é que, lonxe do que ocorre noutras poboacións, poucas son as edificacións que están ruinosas; ao contrario, a maioría delas rehabilitáronse para usos residenciais e, ultimamente, tamén para vivenda vacacional.

En dúas décadas cóntanse por centos os proxectos que pasaron polo departamento de Patrimonio do Concello co fin de acollerse ás axudas económicas establecidas para as áreas de rehabilitación integral (ARI). A maioría corresponden a reparacións nas cubertas e carpintaría pero, nos últimos tempos, percíbese un aumento da demanda, tamén, para rehabilitacións integrais. 

Estes datos permiten falar dunha revitalización do centro histórico, unha boa noticia tanto desde o punto de vista patrimonial como demográfico e económico, porque permite asentar poboación e, con iso, favorecer a apertura de negocios no centro histórico.

Fonte | La Voz de Galicia