As medidas de protección social aprobadas polo Goberno ao principio da crise da COVID-19 seguirán activas polo menos ata o 30 de setembro. O Consello de Ministros acordou o martes 7 de xullo ampliar os prazos para poder acollerse á moratoria hipotecaria, á dos alugueiros e ás axudas para garantir o pago dos recibos de luz, gas e auga ata o mesmo día no que remata a última prórroga dos ERTE. 

Deste xeito, aqueles que non podan abonar as cuotas das súas hipotecas, e cumpran cos requisitos establecidos ata agora, poden solicitar a moratoria no pago deses préstamos ata o 29 de setembro, ampliando en máis de dous meses o prazo inicial, que vencía o próximo día 21 de xullo. Ata agora, recibíronse unhas 200.000 solicitudes. Tamén estará en vigor ata o 29 de setembro a posibilidade de acollerse á moratoria de pagos dos créditos ao consumo, unha medida que solicitaron máis de 360.000 familias. 

 

Fonte | La Voz de Galicia