Os distintos programas para rehabilitación enerxética de vivendas e edificios públicos que o Goberno quere poñer en marcha con fondos europeos terán unha contribución de 13.500 millóns ao PIB español e crearán ata 188.000 empregos, segundo as estimacións do Ministerio de Transportes, Mobilidade e Axenda Urbana.

O impulso público en rehabilitación e rexeneración urbana prevista no plan de recuperación contempla un investimento de 6.800 millóns procedentes de Bruxelas (1.000 millóns servirán para promover nova vivenda para alugueiro). Estes divídense entre varios programas que corresponde desenvolver fundamentalmente a Transportes (que queda co plan principal, dirixido a vivendas e cunha dotación de 3.420 millóns) pero tamén ao Ministerio de Transición Ecolóxica, que xestionará o programa de reto demográfico (actuacións en municipios de menos de 5.000 habitantes) e as renovacións de edificios da Administración Xeral do Estado. 

Fonte | El País