O Ministerio de Transportes, Mobilidade e Axenda Urbana propuxo subvencionar a promoción inmobiliaria destinada a alugueiro con ata 47.250 euros por vivenda co obxectivo de que os prezos das rendas se limiten a 7,5 euros por m2 útil, segundo se desprende do Plan Estatal para o Acceso á Vivenda 2022-2025.

Segundo recolle o plan, o Executivo ten previsto pór en marcha un programa de fomento do parque privado de vivenda en alugueiro alcanzable ao que se poderán adherir as promocións de vivendas de nova construción ou de vivendas procedentes da rehabilitación de edificios que se vaian a ceder en uso ou destinar a arrendamento durante un prazo mínimo de 15 anos.

Os promotores poderán obter unha subvención de ata 450 euros por m2 de superficie útil de vivenda. En todo caso, a contía máxima da axuda non poderá superar o 50% do investimento nin ser superior aos 47.250 euros por vivenda. A cambio, os promotores terán que fixar o prezo do alugueiro ou da cesión en uso a un máximo de 7,5 euros por m2, polo que por un piso de 80 m2 poderían pedir unha renda máxima de 600 euros mensuais.

Fonte | Idealista