A compravenda de vivendas en 2020 tivo un decremento das operacións do 17,7%, ata as 415.748 transaccións, volvendo a cifras absolutas que non se veían dende 2016, segundo os datos do Instituto Nacional de Estadística (INE), cando ese ano acabou en 405.385 vendas.

Así, o 19,9% das vivendas transmitidas por compravenda en 2020 foron novas e o 80,1% de segunda man. Un peso da usada no mercado que por segundo ano se recorta fronte á obra nova, xa que, pese á caída xeralizada en todo o mercado, o das casas usadas viuse máis afectado pola pandemia, e retrocedeu un 19,2% interanual, a súa maior caída en 11 anos, dende 2009. Mentres que o de obra nova rexistrou un descenso máis moderado do 11,2%, o seu peor decremento dende 2015, cando rexistrou unha baixada do 34,5% interanual.

Por outra parte, a pesar de que España é un país onde predomina a vivenda tipo piso (64,6%) fronte ás casas unifamiliares (35,3%), cabe destacar que entre outubro e decembro o peso da compravenda de vivenda unifamiliar alcanzou o seu máximo trimestral da serie histórica (dende 2005) cun 22,5% do total de transaccións deste período.

Fonte | Idealista