O modelo de cidade converteu á Boa Vila no espello no que se contemplan hoxe moitas cidades de todo o mundo. Á cabeza da lista das Cidades que camiñan, a transformación urbana de Pontevedra estúdase en universidades de Estados Unidos, Austria e Latinoamérica.

Non hai mes que non visiten a capital representantes municipais e arquitectos de todos os recunchos. Próximos como O Rosal, Lugo ou Santiago; nacionais como O Bierzo, Barcelona ou Salamanca; e internacionais como Portugal, Italia, México ou Brasil.

Os andeis de Michelena 30 custodian decenas de premios e recoñecementos á mobilidade, á cidade humanista ou a accesibilidade, pero cal é a orixe da revolución urbanística de Pontevedra? De onde bebeu a Boa Vila para converterse na cidade modelo que é hoxe?

Fonte: Diario de Pontevedra