O prezo da vivenda terminada, nova e usada, subiu un 2% interanual no primeiro trimestre do ano en Galicia, ata os 1.091 euros por metro cadrado, por encima do 0,5% da media, mentres que na cidade de Vigo incrementouse o custo dun piso o triple que a media galega: un seis por cento máis de xaneiro a marzo de 2021 con respecto ao mesmo período do exercicio anterior.

Por provincias, a evolución interanual do valor medio reflicte subas do 5,7% e do 1,8% na Coruña e Pontevedra, respectivamente, ata os 1.151 e 1.81 euros por metro cadrado. Baixaron un 12,7% e un 2,3%, respectivamente, en Ourense e Lugo, ata os 796 e 717 euros por metro cadrado.

Nas capitais (a estes efectos considérase a Vigo así), as subas foron do 8,3% e do 1,4% na Coruña e Pontevedra e os descensos do 10,1% e do 6,5% en Ourense e Lugo, respectivamente. Mentres, Vigo situouse na tendencia contraria e o metro cadrado creceu ata os 1.485 euros, un 6,1% máis.

Fonte | Atlántico