En Reino Unido, os prezos aumentaron ao ritmo máis alto nos últimos dez meses, preto do 1,5% en marzo fronte ao mes anterior, o que implica unha maior confianza na recuperación do sector inmobiliario, segundo os datos do portal inmobiliario de vendas Rightmove. A tendencia á estabilización dos tipos hipotecarios, que alcanzaron o seu máximo en verán, parece que axudou a que os prezos alcancen as 368.118 libras de media. A pesar de ser un aumento con respecto a febreiro, con respecto a marzo de 2023 é un descenso do 0,8%. 

Segundo este mesmo portal, a demanda de inmobles é un 8% máis alta que fai un ano, mentres que as vendas eleváronse tamén, nun 13% interanual. Actualmente, os prezos atópanse 4.776 libras por debaixo do seu máximo alcanzado en maio de 2023, e o tempo medio que se tarda en atopar un comprador supón unha media de 71 días, o dato máis elevado dende 2019.

As expectativas para este ano continúan sendo esperanzadoras, e os recortes dos tipos de interese por parte do Banco de Inglaterra serán a chave para que o ano sexa favorable para o sector. Doutra banda, o índice de Nationwide Building Society, que basea os seus datos nos seus préstamos, mostrou en febreiro un aumento nos prezos por primeira vez en máis dun ano. 

Fonte.- Idealista