O mercado inmobiliario encarécese en Galicia, xa que o prezo medio da vivenda subiu un 2% en termos interanuais no primeiro trimestre do ano, por encima da media estatal, na que o encarecemento foi do 0,5%. A provincia da Coruña lidera esta suba e contrasta co esborralle nos prezos na provincia de Ourense. Así, en Galicia, o prezo do metro cadrado ascende ata os 1.091 euros, un 2% máis que o que custaba hai un ano. 

Con todo, a desagregación por provincias dentro da comunidade galega é moi dispar. Así, a provincia da Coruña aparece como a cuarta do conxunto de España cun maior encarecemento do metro cadrado, só por detrás de Biscaia, Cuenca e Lleida. A suba, do 5,7%, eleva o custo do metro ata os 1.151 euros. No extremo contrario está Ourense, a provincia na que máis se abaratou o prezo e no medio están Pontevedra e Lugo. Na primeira das dúas provincias, o metro cadrado costa 1.181 euros, o máis caro de Galicia, e o incremento interanual foi do 1,8%. Pola súa banda, o prezo en Lugo caeu un 2,3%, ata os 717 euros por metro cadrado.

Fonte | El Correo Gallego