O prezo da vivenda de segundo man caeu en agosto un 0,1% en Galicia con respecto a xullo, pero incrementouse un 2,7% no seu interanual, situando o seu prezo en 1.611 euros/metro cadrado,segundo os datos do Índice Inmobiliario Fotocasa.

Mentres que Pontevedra e Ourense rexistran incrementos mensuais no prezo (0,4% e 0,002%), A Coruña e Lugo rexistran descensos do prezo en agosto do -0,4% e do -0,3% respectivamente.

Así, Pontevedra mantense como a provincia máis cara con 1.836 euros/metro cadrado, seguida da Coruña con 1.599 euros/metro cadrado, Ourense, con 1.456 euros/metro cadrado e Lugo con 1.158 euros/metro cadrado.

Por último, no 54% dos municipios analizados por Fotocasa o prezo medio da vivenda de segunda man descende, rexistrándose as maiores caídas en Salvaterra de Miño (-6%), Nigrán (-4,7%), Boiro (-2,1%) e O Grove (-1,9%).

Fonte | El Correo Gallego