Os datos do portal inmobiliario Idealista mostran un descenso dos prezos durante a pandemia en tódalas provincias galegas. O prezo da vivenda usada en Galicia descendeu un 4,1% durante o segundo trimestre de 2020, coincidindo cos peores momentos da crise sanitaria, e o metro cadrado situouse nun promedio de 1.302 euros. 

No seu informe revelan que o prezo en España baixou un 6,1%. A maior caída na nosa comunidade produciuse en Lugo, onde os propietarios reduciron un 4,7% as súas expectativas. Seguido dos descensos de Pontevedra, cun 4,1%, A Coruña, cun 3,6% e Ourense, cun 3,2%. A provincia de Pontevedra mantense como o mercado máis caro con 1.452 euros/m² e Lugo como o máis económico con 962 euros/m².

En canto as cidades galegas, houbo subidas en A Coruña (3,1%), en Lugo (2%), en Santiago de Compostela (1,1%) e en Pontevedra (0,9%). En Ourense, os prezos reducíronse un 1,6% e en Vigo un 1%. 

 

Fonte | El Correo Gallego