O prezo da vivenda usada en España marca unha subida do 5,6% durante o pasado verán fronte ao mesmo trimestre anterior. Este dato deixa o metro cadrado en 1.742 euros segundo o último índice de prezos de Idealista. Atendendo á variación anual, o incremento é do 0,4%.

Nas grandes capitais, porén, predominan as caídas como en Sevilla (-2%), Barcelona (-1,9%), Valencia (-1,9%), Madrid (-1,7%) ou Málaga (-1,3%).

En canto ás Comunidades Autónomas, durante o proceso de desescalada, só Baleares (-1,3%) viu cómo os seus prezos reducíanse. No resto das comunidades, as expectativas dos propietarios incrementáronse durante o terceiro trimestre. A maior subida tivo lugar en Navarra, onde o prezo subiu un 9,9%. A continuación, sitúanse os incrementos de Cataluña (7,8%), La Rioja (6,5%) e Aragón (6,4%). Na Comunidade de Madrid a subida foi do 1,5% fronte ao trimestre anterior.

Fonte | Idealista