Os prezos da vivenda subiron un 4,9% na zona euro e un 5,2% no conxunto da Unión Europea durante o terceiro trimestre do ano en taxas interanuais, segundo os datos publicados por Eurostat.

Ao analizar só a evolución entre o segundo e o terceiro trimestre do ano pasado, Eurostat mostra un incremento no prezo da vivenda do 1,3% na zona do euro e un 1,4% na UE (con Reino Unido aínda dentro). Estes aumentos están bastante por encima dos rexistrados en España, segundo a oficina de estatística da UE. En concreto, os prezos amosaron unha suba do 1,8% no terceiro trimestre do ano comparado co mesmo período de 2019. Con respecto ao trimestre anterior, a evolución positiva quedouse no 1,2%.

Ademais, entre os 30 estados membros da Unión Europea dos que se dispoñe de datos, os maiores incrementos interanuais nos prezos da vivenda no terceiro trimestre de 2020 rexistráronse en Luxemburgo (+13,6%), Polonia (+10,9%) e Austria (+8,9%). Só en dous países caíron os prezos: Chipre (-1,4%) e Irlanda (-0,8%).

Fonte | El Español