O prezo da vivenda subiu en Galicia un 1,9% no terceiro trimestre do ano en relación ao mesmo período do ano anterior, máis que a media estatal (+1,7%), segundo o Índice de Prezos de Vivenda (IPV) do Instituto Nacional de Estadística (INE). En comparativa co terceiro anterior, manténse sen cambios o prezo en Galicia e de media no que vai de ano, a alza é do 1,2%.

Así, o prezo da vivenda nova subiu de forma interanual un 10% en Galicia, por encima da media (7,5%), mentres que a de segunda man elevouse un 0,9%, tamén máis que o incremento nacional do 0,8%.

Respecto á comparativa co segundo trimestre do ano, o prezo da vivenda nova aumentou un 5,3%, superior ao de España (+4%). Na de segunda man hai un retroceso de prezo no terceiro trimestre respecto ao segundo trimestre no caso galego (-0,7%), que contrasta coa suba española (+0,6%).

Fonte | El Correo Gallego