O prezo medio da vivenda terminada (nova e usada) en España situouse no primeiro trimestre do ano en 1.390 €/m2, un 0,5 % máis que no mesmo período do ano anterior, segundo a estatística IMIE Mercados Locais da tasadora Tinsa.

A vivenda confirma no primeiro trimestre do ano o freo no descenso de prezos experimentado nos últimos meses de 2020 e avanza cara a un escenario de estabilización. Na serie histórica, incrementouse un 16% desde o mínimo rexistrado no primeiro trimestre de 2015 e mantense un 32% por baixo dos máximos de 2007.

Once rexións mostran prezos medios da vivenda nova e usada inferiores aos dun ano antes, na súa maioría inferiores ao 3,0%. Os descensos anuais máis acusados no primeiro trimestre localízanse en Navarra (-8,8%), A Rioxa (-7,7%) e Aragón (-5%).

Fonte | El Español