O prezo da vivenda usada baixou un 0,7 % durante o ano 2020 na comunidade autónoma de Galicia e o prezo do metro cadrado situouse en 1.350 euros, segundo o último informe publicado por Idealista.

Os mercados provinciais tiveron un comportamento diferente nos últimos doce meses en Galicia: a maior suba produciuse en Ourense, onde as expectativas dos propietarios creceron un 2,3 %, seguida de Pontevedra, 0,4%, pero caiu durante o último ano na provincia de Lugo, -1,3 %, e A Coruña, -1,1 %.

A provincia de Pontevedra mantívose como o mercado máis caro con 1.518 euros/m2, e Lugo como o máis económico con 1.014 euros/m2 .

En canto ás cidades, durante 2020 o prezo da vivenda usada caiu en Santiago de Compostela (-1,7%) e en Vigo (-0,8%), e nas capitais de provincia, polo contrario, a tendencia foi alcista: A Coruña (5,4 %), Ourense (5,1 %), Pontevedra (4,2 %) e Lugo (1,2 %).

Fonte | El Correo Gallego