O prezo da vivenda usada en España volveu a baixar en agosto: un 0,8% interanual ata os 1.735 euros/m2, segundo o último índice de prezos de idealista. Este descenso prodúcese despois de que o prezo diminuíra un 4,6% interanual durante o segundo trimestre e un 3,5% en xullo. Non obstante, con respecto ao mes anterior, a vivenda subiu un 3,4% e atendendo ao último trimestre o prezo aumentou un 0,3%.

O prezo subiu durante o mes de agosto en todas as rexións españolas. Navarra (5,3%), Cataluña (4,9%) e La Rioja (4,3%) lideran as subidas, seguidas dos incrementos de Andalucía (3,5%), Castilla-La Mancha (3%), Aragón (2,9%), Comunitat Valenciana (2,7%), Rexión de Murcia (2,5%), Canarias (2,4%), Galicia (2,3%), Asturias e Extremadura (2,1% en ambas rexións). Con subidas de prezo por debaixo do 2% atópanse as rexións de Castilla e León (1,9%), Euskadi (1,2%), Comunidade de Madrid (0,9%), Cantabria (0,7%) e Baleares (0,1%).

Baleares con 3.060euros/m² é a autonomía máis cara, seguida da Comunidade de Madrid (2.782 euros/m²) e Euskadi (2.645 euros/m²). No lado oposto da táboa atopamos a Castilla-La Mancha (848 euros/m²), Extremadura (889 euros/m²) e a Rexión de Murcia (1.044 euros/m²), que son as comunidades máis económicas.

Fonte | Idealista