Segundo os últimos datos de prezos inmobiliarios publicados polos portais Idealista, Fotocasa e Pisos.com, a vivenda de segunda man rexistrou en febreiro subidas entre un 2,8% e un 3,54% en comparación co mesmo mes do ano anterior, 2023. Concretamente, os datos de Idealista recollen que o prezo medio por metro cadrado no mes de febreiro foi de 1.352€/m2, un 2,8% máis que en febreiro de 2023. Por outro lado, o informe de Pisos.com amosa que o prezo da vivenda usada estivo en 1.373 euros, un 3,54% máis que fai un ano. Adicionalmente, as cifras de Fotocasa reflicten que en Galicia o prezo da vivenda foi de 1.728€/m2, o que suponlle un 2,9% de incremento con respecto ao mesmo mes do ano anterior. 

Fonte.- Nós Diario