Segundo o último índice de prezos de Idealista, o prezo de venda da vivenda usada subiu un 10,1% durante os últimos doce meses, o que deixa o prezo medio en 1.816 euros/m2. A cifra representa un aumento trimestral do 1,8% con respecto ao primeiros tres meses do ano.

Segundo o portal, a magnitude do incremento dos prezos no mes de xuño está relacionada coa caída atípica que, tras meses de confinamento, sufriu o mercado hai xusto un ano.

Así, un total de 18 capitais rexistraron caídas de prezo nestes 12 meses, entre elas a maioría de grandes mercados do país, segundo os datos de Idealista. A maior caída produciuse en Ceuta (-8,5%) e a continuación sitúase Soria (-5,8%), Sevilla (-5,6%), Alacante (-5,1%) e Barcelona (-4,2%).

Por outra banda, en canto ás Comunidades Autónomas, todas as comunidades teñen prezos máis elevados que hai un ano, pero o maior incremento prodúcese en Navarra, onde as expectativas dos propietarios creceron un 11,6%, mentres que os menores incrementos producíronse en Cantabria (2,5%) e Baleares (2,7%).

Fonte | El Español