O prezo da vivenda en España mantense á alza e marca récord no caso dos inmobles de nova construción, situado o prezo medio das vivendas no segundo trimestre do ano en 1.979 euros o metro cadrado segundo os datos do Colexio de Rexistradores, un 1,12% máis que o mesmo trimestre do ano pasado e un 3,1% máis intertrimestral, logo de dous trimestes de caídas consecutivas. En canto aos resultados anualizados do Colexio de Rexistradores estes sitúan o prezo medio interanual alcanzado na primavera en 1.952 euros por m2, o nivel máximo rexistrado desde 2008.

En canto á vivenda de nova construción, o prezo medio foi de 2.143 euros por metro cadrado, o récord na serie histórica, mentres que na vivenda usada o prezo foi de 1.910 euros/m2, o que supón un lixeiro descenso con respecto ao trimeste precedente (euros/m2), trimestre no cal se alcanzou o maior resultado desde comezos de 2011.

Doutra banda, caen as vendas das vivendas un 5,6% respecto ao mesmo segundo trimestre do ano pasado e tambien redúcese o número de hipotecas por cuarto trimeste consecutivo (-14,5%).

Fonte.- Idealista